Ի՜նչ կ՚ըսեն
Ինծի կ՚ըսեն.— «Ինչո՞ւ լուռ ես».—
«Ո՛հ, միթե բառ կամ խոսք ունի՞
Արշալույսը, որ կը բռընկի,
Զի անհուն է այն ալ ինձ պես»։
Ինծի կ՚ըսեն.— «Միշտ տխուր ես».—
«Ի՞նչպես չըլլամ, մեկիկ մեկիկ
Թոթափեցան գլխուս աստղիկք…
Արշալույս մը չ՚անցավ սըրտես»։
Ինծի կ՚ըսեն.— «Կրակոտ չ՚ես,
Լըճակի մը պես ես մեռած,
Դալկահա՛ր դեմքդ ու հայեցված»։—
«Ո՜հ, հատակն են իմ փրփուրներս»։
Ես ինձ կ՚ըսեմ.— «Ժամդ է հասեր,
Քու երկրորդ սև մորդ գընա գոգ,
Գերեզմա՛ն, հո՛ն գտնես դու գոգ
Վարդեր, թրթռում, թռիչ ու աստղեր…»։
Ինծի կ՚ըսեն.— «Ինչո՞ւ լուռ ես».—
«Ո՛հ, միթէ բառ կամ խօսք ունի՞
Արշալոյսը, որ կը բռընկի,
Զի անհուն է այն ալ ինձ պէս»։
Ինծի կ՚ըսեն.— «Միշտ տխուր ես».—
«Ի՞նչպէս չըլլամ, մէկիկ մէկիկ
Թօթափեցան գլխուս աստղիկք…
Արշալոյս մը չանցաւ սըրտէս»։
Ինծի կ՚ըսեն.— «Կրակոտ չես,
Լըճակի մը պէս ես մեռած,
Դալկահա՛ր դէմքդ ու հայեցուած»։—
«Ո՜հ, յատակն են իմ փրփուրներս»։
Ես ինձ կ՚ըսեմ.— «Ժամդ է հասեր,
Քու երկրորդ սեւ մօրդ գընա գոգ,
Գերեզմա՛ն, հո՛ն գտնես դու գոգ
Վարդեր, թրթռում, թռիչ ու աստղեր…»։
